higgaad

3 Shibbanaha G : Shibbanaha "g" wuxuu ka mid yahay shibbanayaasha far Soomaaliga laballaabma mararka qaarkood.
Tusaale: "Higgaad, higgo, hoggaan, luggooyo"

Kolkaad fiiriso ereyadan ku jira tusaalahan kore, shibbanaha dhexda ku jira ee "g" wuu laballaabanyahay, cod-bixiisa oo adag (nudan) awgeed.

Xarafka xagga hore ama gadaal kaga xigaa shibbanaha "g", hadduu yahay shibbane, laballaabku meesha wuu ka baxayaa, sida:

"halgan, hangaagurre, hingel, mugdi, bangi, sangal, dhenged, hangool, dengiigsi, luunge, hunguri, lingax (ningax), nirgo".

Haddaad fiiriso, ereyada hangaagurre, hangool iyo lingax, shibbanaha "g" lama laballaabin, cod-bixiisuna wuu adag yahay (nudan yahay), sababtoo ah waxa dhinac kaga xiga (dhejisan) shibbane, sidaad ogtihiinna waa taynu u soo sheegnay, hadduu shibbane xagga hore ama gadaal ka raaco, shibbanayaasha laballaabma, laballaabku meesha wuu ka baxayaa.

Hadduu magacguud ku dhammaado shibbanaha "g", kolka lagu darayo qodob qeexaya ama tilmaamaya magacaas, shibbanaha"g"-du, wuu laballaabmayaa "gg".Taas oo ka dhigan "g"-dii magacu ku dhammaaday iyo tii ahayd qodobka.

Tusaale

Taag:Taagga, taaggan, taaggaa (s).
Tog:Togga, toggan, toggaa (s).

Fiiro gaar ah: (-ka ⇢ -ga), qodobka ("-ga") waa qodobkii ("-ka") oo isu rogay "-ga". Af Soomaaliga waxaa jira laba qodob oo kala ah "-ka" iyo "-ta", qodobka "-ka" wuxuu raacaa labka, qodobka "-ta" isna dheddigguu raacaa.

Qodobbada intooda kale, labadan qodob "ka, ta" ayey ka farcamaan. Haddaba, shibbanaha "k" ayaa isu beddala "g" kolka uu raaco magac ku dhammaada "aa, i, u, g, w, y".

Tusaale

Waa +(ka ⇢ ga)= waaga
Gaadhi +(ka ⇢ ga)= gaadhiga
Bog +(ka ⇢ ga)= bogga
Gu' +(ka ⇢ ga)= gu'ga
Ay +(ka ⇢ ga)= ayga
Galaw +(ka ⇢ ga)= galawga

Sida ka muuqata tusaalaha, shibbanihii "k" wuxuu isu baddalay "g". Taas oo ka dhigan qodobkii "-ka" oo isu rogay qodobka "-ga".

Jarahan hoose, waxa ku jira ereyo aan u soo qaadannay tusaale ahaan.

Magac	+ ga	Magac	+ ga
Subag	subagga	Doog	doogga
Riig	riigga	Bog	bogga
Shaag	shaagga	Dhuug	dhuugga
Buug	buugga	Rag	ragga
Leg	legga	Mug	mugga
Harag	haragga	Marraag	marraagga

Xigasho: Cabdiraxmaan Faarax (Barwaaqo) "Ereyo La Macneeyey 2017"

Toddobada Shibbane ee Laballaabma (labajabbaarma)
Shibbane B	Shibbane D	Shibbane G
Shibbane L	Shibbane M	Shibbane N
Shibbane R	"lo'du ma nala garaad baa?!"weedh lagu soo koobo shibbanayaasha laballaabma

Af Waa Dhawaaq Iyo Dhigaal
Wuxuun afka kaga dhufo >> sheeko dhigaal kaab	1
Aniga iyo dabaday isu laaban >> sheeko dhigaal kaab	2
Labadii ubbo iyo odaygii >> sheeko dhigaal kaab	3
Saceennii oo dhalyaan arkayaa >> sheeko dhigaal kaab	4
Taariikh kooban oo ku saabsan dhigaalka far Soomaaliga	5
Faraqa u dhexeeya dhigaalka iyo dhawaaqa ereyga	6
Ereyo qoraal ahaan wax yar ku kala duwan macne ahaanna kala fog oo fiiro gaar ah u baahan	7
Maxay tahay maahmaah? Maxay dadku ugu soo halqabsadaan? Goormay ku soo halqabsadaan?	8

Maahmaaho Macnaysan A - Y
1-Xaraf A	2-Xaraf B	3-Xaraf C
4-Xaraf D	5-Xaraf E	6-Xaraf F
7-Xaraf G	8-Xaraf H	9-Xaraf I
10-Xaraf J	11-Xaraf K	12-Xaraf L
13-Xaraf M	14-Xaraf N	15-Xaraf O
17-Xaraf Q	18-Xaraf R	19.Xaraf S
20-Xaraf T	21-Xaraf U	22-Xaraf W
23-Xaraf X	24-Xarafka Y